أولاً .. لحدن يحمل صور خاصة لأهله ولا صور بنات !! ترى حنا ناسـ(ـن) ندور الشر ما نحسب نحصل صور زي كذا إلا ونقوم نبلتثها !!

ثانياً .. حنا شرينا مساحتن للموقع كبيرة وباندويث ان شاء الله يطوّل ولا يخلص .. لذلك قررنا نقسم المركز لقسمين .. قسم للصور والفلاشات .. وقسم لتحميل البرامج والفيديو وغيرها من الملفات .. الحكمة من هالشي ان الصور غالباً ماراح تنحذف إلا لو امتلى المركز .. يعني تقريباً بتجلس بالمركز ثلاث سنوات أو أكثر لين يمتلي ثمن نقشع كل شي ونبدا من جديد .. والقسم الخاص بالبرامج عشاننا بنسمح بأحجام أكبر .. لكن ينحذف الملف تلقائي ان "محدن حمله" لمدة مية يوم ! يعني لاصار خامل ومحدن درى عنه لمدة مية يوم بنقشعه ! لكن لو الملف عليه طلب والناس تحمله ولا ركد عاد مب مشكلة بنخليه ! <<مركزنا وحنا حرين فيه

ثالثاً .. خافوا الله من اللي بتحملونه وناوين تنشرونه .. ان كانه شي مخالف حط ببالك انه بينتشر بالنت وبتموت وهو مازال يتوزع وبتتراكم عليك الذنوب حتى وانت بقبرك ! لذلك اتق الله ولا تجيب العيد وتجني على نفسك وتسو مصايب ماتسرك لاشفتها يوم القيامة !!

رابعاً .. إن كان عندك اقتراح او تعليق او اي ملاحظات او تبينا نكتب لك قصيدة هجائية ولا خويتك مزعلتك ولا هجرتك حبيبتك وتبي تدور احدن تفضفض له وتبكي عنده مالك إلا ترعص هنا واكتب كل اللي بقلبك وخاطرك وأبشر باللي يسحب عليك

خامساً .. نتمنى لكم طيب الإقامة وحسن الجوار ولا تعلون الصوت تزعجونا وتزعجون زباين المركز هع هع

سادساً وأخيراً .. (مابغيت تخلص) .. ادعوكم انا رئيس مجلس ادارة مركز تحميل جوريات للمشاركة بمنتدانا الرائع والزاحف [منتديات جوريات].. ترى فيه بسط وهز وسط وناس مسطلة وترى تشارك عندنا حليمة بولند يآآآآآويل حالي لاتفوتكم بس .. ونسيت اقول ترانا نوزع اسبوعياً سيارات فخمة .. مرات مرسيدس و BM ان كان سوق الأسهم اخضر .. وان كانه طاح مشينا حال الأعضاء بلكزس سجلوا انتم الحين وبعدين يصير خير

تحيآتي .. مدير مجلس إدارة مركز تحميل جوريات للإستثمار وبيع الخضار وتصليح السياكل